Magistra in Universitāte

Salvēte, amīcī et amīcae! 

Ut scitis, in scholā ego sum in cubiculo meō, domī. In scholā magistra in cubiculō suō est, domī suae. Sed magistra nōn semper in cubiculō est. Post nostram scholam, discēdo ē cubiculō et exeo domō. Magistra, post scholas linguae Latīnae, ē cubiculō discēdit et exit domō. Iam magistra in cubiculō nōn est, sed in viā oppidi Bogotae. 

Unde magistra discēdit? Magistra ē cubiculō et domō discēdit.  Sed quō magistra it? Ego eo ad nostram pulchram Univesitātem: post me, domus est; ante me, Universitas. Magistra cotīdie it ad Universitātem. Magistra domō ambulat ad Universitātem per vias: post magistram, domus est; ante eam, Universitas. 

Magistra, iam nōn domī, sed in Universitāte est. In Universitāte quoque sunt viae. Prope viam, in Universitāte, sunt vaccae! Quot vaccae sunt in pictūra? Numerāte eas!

Hic sum prope aedificium Scientiae Naturalis. Ecce piscīna cum piscibus magnis et parvis. In piscīnā piscēs magnī et parvī sunt. Ante piscīnam sunt liberī meī. Liberī meī nōn sunt in piscīnā! 

Vidēte piscēs magnōs et puerōs parvōs in pelliculā:

 

Post piscīnam est signum virī studiosī. Qui est vir studiosus qui in signo est? 

Quoque non procul ab aedificiō sunt vivāria.

Quid est in vivāriis? 
Locus pulcher est Universitas!